Sunsport basketball camps karong Pebrero kasado na

CEBU, Philippines — Andam na ang tanan alang sa duha ka basketball training camps sa Sunsport nga parehong mosikad karong Sabado, Pebrero 4, sa managlahing binyu.

Ang usa ipahigayon sa Sacred Heart Center Sports Club sa may dalan D. Jakosalem, dakbayan sa Sugbo

samtang ang lain adto pagahimoon sa Sunsport Basketball Training Center sa North Road National Highway sa eskena Basak ug Canduman sa siyudad sa Mandaue.

Ang clinic abli sa mga babaye ug lalaking basketbolista nga nag-edad og 10 ngadto sa 19 anyos nga gustong bairon og maayo ang ilang abilidad. Kinahanglan nga hingpit na silang nabakunahan batok sa Covid-19.

Modagan matag Sabado hangtud sa Pebrero 25, ang training sessions gikatakda gikan sa alas-9 hangtud sa alas-11 sa buntag sa Mandaue camp ug alas 12 sa udto hangtud sa alas-2 sa hapon sa Cebu City leg.

Ang rehistrasyon nagkantidad lamang og P1,200 apil na niini ang Sunsport ball ug training jersey. Limitado ang mga slots ug sa makauna lamang ang pagpanawat sa mga entrante.

Alang sa dugang detalye ug reserbasyon, mahimong mokontak ni Sunsport training director Jojo Romarate Teves sa 0928-8295489.