^

Banat Palaro

Vitor mibahad og knockout nga daog sa unang depensa

Emmanuel B. Villaruel - Banat

TAGBILARAN CITY, Philippines — Ang garbo sa mga Bol-anon nga si John Virgel "Valiente" Vitor (19-2, 12KOs) misaad og kadaogan pinaagi knockout sa una niyang pagdepensa sa iyang WBO Oriental super featherweight title batok sa Koreanong challenger nga si Dong Kwan Lee (16-2-2, 7KOs) sa main event sa "Kumong Bol-anon 8" fight card sa PMI Bohol Boxing Promotions karong adlawa didto sa Calape Cultural and Sports Complex sa Calape, Bohol.

Atol sa final press conference sa maong promosyon kagahapon didto sa Tagbilaran City Hall, ang 25-anyos nga si Vitor masaligong mideklara nga tuyo niyang tumbahon si Lee apan nagdumili siya paghatag og prediksyon kon kanus-a niya mapakatug ang bisitang Koreano.

"Excited kaayo ko kay first defense ni nako sa ako belt. Ako paningkamotan nga makuha ang impresibo gihapon nga kadaogan," matud pa ni Vitor, nga mosakmit sa WBO regional belt human gipatikangkang ang Thai nga si Arnon Yupang sud lamang sa duha ka hugna niadtong Septiembre 9 didto sa Dimiao Cultural and Multi-Purpose Center sa Dimiao, Bohol.

"Naa gyu'y ma-knockout kay mao gyud na akong aim. Dili ko kasulti unsa nga round pero if naay opportunity  makakita ko og opening ako gyud dayon i-grab," dugang pa ni Vitor.

Angayan hinoon nga magmatngon si Vitor aron dili niya kaonon ang iyang mga gipanuti gumikan kay dili basta-basta nga kontra ang 30-anyos nga si Lee nga kasamtagang naghari isip WBC Asian Boxing Council Silver featherweight champion.  

"Maybe he can't hit me. I'll be the one who is going to knock him out," tubag pa ni Lee, nga midaog sa katapusan niyang walo ka away apil niini batok sa duha ka mga Pinoy nga sila si Michael Landero ug Roemart Sentillas.

Sa eksplosibong supporting main event, ang way pildeng featherweight prospect sa PMI Stable nga si Daniel “Vaquero” Nicolas (6-0, 4KOs) mosuway og langkat sa korona isip WBO Oriental Youth champion sa dihang iyang harongon si Jestine Tesoro (7-4, 3KOs) sa Bansalan, Davao del Sur.

Si WBF Asia Pacific super bantamweight champion Jhunrille Castino naghinaut sab nga makakuha og atensiyon sa dihang makigsinukliay siya og kumo batok ni Emmanuel Mogawa.

"I assure everyone that the bouts tomorrow (today) will be interesting and full of action," pasalig pa ni PMI Bohol Boxing Promotions big boss Floriezyl Echavez Podot.

Lain pang mopakita og aksiyon sa kulbahinam nga pasundayag mao sila si Shane Gentallan vs Ronald Ewican; Rodel Suganob vs Mark Glen Antaran; Christian Balunan vs Ramil Yacapin; Gerwin Asilo vs Kier Clenton Espere; Reymart Tagacanao vs Jerry Tabago; Rjay Siose vs Dave Barlas; Pablito Balidio vs Briel Ozaraga; Arnel Tinampay vs Ryan Maano;ug Renoel Pael vs. John Vincent Pangga.

BOXING

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with