^

Banat Palaro

Lancers, Panthers luna sa CESAFI finals ang tumong; Trailblazers, Magis Eagles mag-abot sa kampiyonato

Emmanuel B. Villaruel - Banat

CEBU, Philippines — Ang University of the Visayas (UV) Green Lancers ug ang University of Southern Philippines Foundation (USPF) Panthers mosuway paglukat og ticket sa finals sa dihang ilang sangkaon ang ilang mga karibal sa Final Four sa 2022 Cebu Schools Athletic Foundation, Inc. (CESAFI) basketball season karong adlawa didto sa Cebu Coliseum.

Parehong nagkupot og twice-to-beat advantage, ang top seeded Lancers ug second-ranked Panthers nanginahanglan lamang og usa ka daog aron mo-abante na sa kampiyonato sa college division.

Mao kini ang tumong sa Lancers sa dihang ilang harongon ang University of San Jose-Recoletos (USJ-R) Jaguars sa pasiunang duwa sa alas 5:15 sa hapon. Mao sab ang laraw sa Panthers sa dihang ilang banggaon ang University of Cebu (UC) Webmasters sa main game sa alas 6:45 sa gabii.

Angayan hinoon nga magmatngon ang Lancers ug ang Panthers gumikan kay seguradong ang ilang mga kaatbang molusad og usa ka dakong gubat uban ang panghinaut nga maka-angkon og laing kinabuhi.

Sa laing bahin, ang way pildeng City of Bogo Science and Arts Academy (CBSAA) Trailblazers ug ang defending champion Sacred Heart School-Ateneo de Cebu (SHS-AdC) Magis Eagles mipalagpot sa tagsa-tagsa nila ka mga kontra aron pagplastada sa gihandum nga finals match sa juniors division.

Si Dale Otero miposa og lima ka 3-pointers sa iyang 21 puntos samtang sila si Lance Sabroso ug Jerome Arnoiz nagkumboya'g 24 puntos sa dihang gitagak sa Trailblazers ang UV Baby Lancers, 67-63.

Sa laing aksiyon, si Jared Bahay mipabuto og 21 puntos samtang sila si Jelomar Rota, Michael Asoro ug Alden Cainglet nagkumbinar og 36 puntos sa dihang gipabakasyon sa Magis Eagles ang UC Baby Webmasters, 83-78.

Sugdan sa Trailblazers ug Magis Eagles ang ilang best-of-three finals series karong Dominggo, Disiembre 11.

CESAFI

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with