^

Banat Palaro

GSI, JJS Electrical Supply gisugat og daog sa 1st Zynergia Cup 2023

Yoyo R. Abayan - Banat

CEBU, Philippines — Daog maoy nisugat sa Goutsource Solutions International (GSI) ug sa JJS Electrical Supply pagsugod sa 1st Zynergia Cup 2023 niadtong Domingo diha sa CEC gym.

Ang GSI milubong sa JMD Automotive, 86-71 ug ang JJS mipakaging sa Domelsky Water Refilling Warriors, 72-63.

Kulba kaayong nakaduwa si Ernie Inocensio, kinsa mipabuhagay siya’g 26 puntos, walo ka assists ug unom ka rebounds aron mangu sa scoring sa GSI ug ingon man tahurong best player of the game. Kuyaw sab nakaduwa sa ni Joemenick Busarang ug mipatuasik kini’g 24 puntos, samtang sila si Geory Apas ug Darwin Rollon mirehistro sab og double figures sa team ni Ivan Llesol.

Ang JMD Automotive ni Gerald Dilao gipangulohan ni Alain Tarona nga mipaksit og 14 puntos, gisundan ni Jerico Rosales nga dunay 10 puntos.

Sa laing bahin, ang JJS Electrical gipangulohan ni Jessie Tarona pinaagi sa iyang 19 puntos uban ang pito ka rebounds ug tulo ka assists aron ilhon nga best player of the game. Si Joshua Banaag miabay og 14 puntos, samtang si Soc Ramas mitampo’g 11 puntos alang sa JJS Electrical ni Joeffrey Banaag.

Ang team manager nga si Melchor Almonicar ug Sherwin Seno parehong mihakot og 15 puntos aron pangulohan ang Domelsky, samtang si James Basan mikandos og 12 puntos sa pilderong koponan.

Ang liga hiniusang giorganisar sa Brothers Ballclub.

GOUTSOURCE SOLUTIONS INTERNATIONAL

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with