^

Banat Palaro

Fury gidominar si Chisora, gitiradahan dayon si Usyk

Emmanuel B. Villaruel - Banat

CEBU, Philippines — Milampos si Tyson Fury pagdepensa sa iyang trono isip WBC heavyweight champion human gidominar ang Briton niining karibal nga si Derek Chisora kagahapon didto sa Tottenham Hotspur Stadium sa London, England.

Gikan sa sinugdanan, kontrolado kaayo ni Fury ang away. Gidabo-dabo niya og kulata ang klaro kaayong way dag-anan nga si Chisora.

Og sa dihang mi-aksiyon na og sira ang mga mata ni Chisora, si reperi Victor Loughlin miundang sa away

sa nahibilin nga nuybe segundos sa ika-10 nha hugna.

Tungod niini, giinat sa 34-anyos nga si Fury ang way pilde niyang record ngadto sa 33-0 uban ang usa ka tabla ug 24 ka daog pinaagi sa knockout.

Gipadayag dayon ni Fury nga gusto niyang sangkaon sunod ang unified IBF, WBA ug WBO heavyweight champion nga si Oleksandr Usyk.

"Usyk, you're next, you 15-stone little bodybuilding midget. I've done one Ukrainian, (Wladimir) Klitschko, let's get it on," matud pa Fury, nga kaduha pa lamang makapakita'g aksiyon ning tuiga. Iyang gipalukapa si Dillian White sa ikaunom nga hugna sa miagi niyang away niadto pang Abril.

"I'm ready and willing to take on Usyk whether it is in Saudi Arabia or back here in the United Kingdom," dugang pa ni Fury. "Let's give the fans one champion, one name, one face. He's not an easy boxer to figure out, he's slick, a southpaw, moves well, coming in on good form and I look forward to the challenge."

Kon ugaling molikay kaniya si Usyk, si Fury mibutyag nga anaa sab sa listahan sa gusto niyang makaharong ang interim WBO champion nga si Joe Joyce.

"I'm saying Joe Joyce, a brilliant fighter, he deserves a title fight.  If the rabbit (Usyk) doesn't fight, we'll fight at Wembley," dason pa ni Fury.

TYSON FURY

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with