Mga bitoon sa CESAFI magbangga karon

CEBU, Philippines — Ang labing maayo ug labing hayag nga mga magduduwa sa 2022 Cebu Schools Athletic Foundation, Inc. (CESAFI) basketball season magbangga sa giatngan nga All-Star Games sa liga karong adlawa diha sa Cebu Coliseum.

Sa dili magpinaksitay ang mga bitoon, usa ka exhibition match tali sa Don Bosco Greywolves 12 Under team ug Minglanilla G-Sports Basketball League (MGBL) selection ang ipahigayon sugod sa alas 12:30 sa hapon.

Pagasundan dayon kini sa sangka sa high school All-Stars sa alas-2 sa hapon.

Mopakita'g aksiyon sa Team A ni coach Leode Garcia sila si Lance Sabroso, Simon Mahinay, Jerome Arbois, Yzali Dugaduga, ug Dale Otero sa CBSAA Trailblazers, Tryke Pesa ug Sebastian Verzosa sa USPF Baby Panthers, Peter John Peteros, Lawrence Mangubat, Vince Mananguil, ug Gemini Abellana sae CIT-U Wildcats,  Zyldjone Asuncion sa UCLM, ug Jhon Linares, Mark Solonia, ug Allen Gako sa UC Baby Webmasters.

Ilang harongon ang  Team B ni coach Rommel Rasmo nga gilangkoban nilang Jared Bahay, Michael Asoro, ug Josh Go sa SHS-AdC Magis Eagles, Franco Gabonada, Jordyn Ampong, ug Ryan Simoy sa UV Baby Lancers, Jan Roluna, Lybron Lamo, ug Simon Jayoma sa CEC Dragons, Joshua Himang, Lee Sabanal, ug Ryan Artis sa USJ-R Baby Jaguars, ug Jose Mark Tumabang, Jhon Carlo Sabroso, ug Goldloin Zamora sa USC Baby Warriors.

Human sa 3-point shootout mosunod ang engkuwentro sa college All-Stars sa alas 5:30 sa hapon.

Ang Team A ni coach Gary Cortes moparada nilang AJ Sacayan, Kent Salarda, Ted Saga, Froiland Maglasang, ug Jiesel Tarrosa sa UV Lancers, Froilan Mangubat, Vhann Joshua Baruc, Acer Go, Roosevelt Jelianggao, ug Andre Benedict Chua sa USC Warriors, ug Paul Galinato, Luigi Gabisan, Luther Leonard, Michael Diaz, ug Jhiey Paraldo sa UC Webmasters.

Ilang bugnoon ang Team B ni coach Alan Cabatingan nga gilangkoban nilang Neon Chavez, Alje Mendez, RR Cauba, Dave Paulo, ug John Maglasang sa USPF Panthers, John Edward Jabonete, Jesse Aloro, Monsour Proel, Allen Gler, ug Joey Villamayor sa CIT-U Wildcats, ug Justine Jules Langres, Elmer Echavez, Karl Cabulao,  JZ Dizon, ug Klein Gordillo sa USJ-R Jaguars.