^

Banat Palaro

Labing unang MGBL-Prosel 3x3 Basketball kasado na

Emmanuel B. Villaruel - Banat

CEBU, Philippines — Plastada na ang tanan alang sa labing unang Minglanilla G-Sports Basketball League (MGBL)-Prosel Pharma 3x3 Basketball Tournament nga gikatakda karong Disiembre 18 didto sa Don Bosco Technical Colllege (DBTC) gym sa Barangay Punta Princesa, dakbayan sa Sugbo.

Ang mga haligi sa MGBL nga sila si Gerry Canonigo, Galimar Largo, ug Neil Sasan kauban si Prosel Pharma Senior Regional Sales Manages Emilia Ceniza pormal nga milusad sa umaanot nilang kalihukan didto sa Sunburst-Mango kagahapong adlawa.

Giduyogan sila nilang Prosel District Sales Manager Leowen Asenjo, Sahamang Basketbol ng Pilipinas (SBP)-7 deputy director Jonathan Saso, ug Don Bosco Greywolves coach Vernini Tangarorang.

"This is part of the multi-sport grassroots program we promised to lay down in south Cebu," matud pa ni  Canonigo. "3x3 basketball can easily attract younger players especially those who don't have a chance to compete in a league and we want to give them the exposure they need."

"Also, this is just a prelude to a much bigger tournament we're planning to hold next year," dugang pa ni Canonigo.

Sa habig sa Prosel Pharma, si Ceniza mipadayag nga mibubo na sab sila sa hugot nilang suporta MGBL dili lamang aron mapaila-ila og maayo ang nagkadaiya nilang mga produkto sa merkado apan aron sab sila makatabang pagpalambo sa kabatan-onan pinaagi sa paugnat sa kusog.

"We're very thankful to MGBL for giving us this opportunity," dason pa ni Ceniza.

Sa laing bahin, si Largo nagkanayon nga laraw nilang makahakot og gikan sa 300 ngadto sa 500 ka mga partisipante sa ilang torneyo nga naglangkob og upat ka mga kategoriya. Kini mao ang 11 Under, 13 Under, 15 Under, ug 18 Under age groups.

Ang nag-unang tulo ka mananaog mobulsa og P3,000, P2,000, ug P1,000 sa U15 ug U18, ug P2,500, P2,000, ug P1,000 sa U11 ug U13.

Ang rehistrasyon matag player nagkantidad og P350 sa U11 ug U13 ug P400 sa U15 ug U18 apil na niini ang P250 nga kantidad sa mga produkto sa Prosel Pharma.

MGBL

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with