'Puso' nga medalya

CEBU, Philippines — Usa ka maanindot nga medalya kansang desinyo 'puso' ang ipanghatag sa mga 21K ug 42K finishers sa gikahinaman nga 2023 Cebu Marathon nga gikatakda karong Enero 8 sa nabantog nga Cebu-Cordova Link Expressway (CCLEX).

Mao kini ang gipabuhagay nilang Cebu Executive Runners Club (CERC) President Jesse Taborada ug

Cebu City Sports Commission (CCSC) chairman John Pages atol sa usa ka press conference didto sa House of Lechon niadtong Martes sa hapon.

Sa susamang okasyon, gipasalig ni Taborada nga himoon nila ang Cebu Marathon nga usa ka kasinatian nga dili mahikalimtan sa tanang mga participante.

"Expect the best," matud pa ni Taborada. "We've been known to be unique in our ways of organizing events in the past. We will do our best to make it a memorable experience for all the runners."

Gipahibawo sab ni Taborada nga miabot na ngadto sa 5,100 ka runners ang nagparehistro hinungdan nga yano niining gibuak ang karaan nilang record nga 5,081 ka runners nga mingsalmot sa miagi nilang pisikal nga lumba niadtong 2020.

Kabahin sa rason niini ang CCLEX, nga maoy premirong binyu sa makutas nga karera.

"Just imagine thousands of runners going up the CCLEX, how exciting it can be!," paambit pa ni Pages.

Sa laing bahin, ang early bird rates nga P799 sa 5K ug 10K, P1,799 sa 21K, ug P1,999 sa 42K gilugwayan hangtud karong Oktrubre 16.

Alang sa dugang impormasyon, mahimong mobisita sa www.cebumarathon.com.ph o sa 2023 Cebu Marathon Facebook page.