^

Banat Palaro

GSI nadala sa quarterfinals sa Joko Builder's Cup 2022

Yoyo R. Abayan - Banat

CEBU, Philippines — Nidaog ang Gootsource Solution International (GSI) sa importante nilang duwa batok sa JJS Electrical Supply and Services, 73-70, aron madala sa quarterfinals sa Joko Builder’s Cup 2022 niadtong Domingo diha sa CEC gym.

Gipangulohan ni Geory Apas ang kadaogan pinaagi sa iyang 19 puntos, 10 ka rebounds nga igo na kaayo alang kaniya aron ilhong best player of the game. Wala sab magpaperi ang usa sa mga organizer nga si Marvin Sillar ug iyang anak nga si Kent dihang nagkumbinar sila og 27 puntos aron ang GSI makalabang sa lawod sa kalisdanan, Si Marvin mikolekta og 15 puntos, samtang si Kent mihipos og 12 puntos. Ang team owner nga si Ivan Llesol ug batos niining si Darwin Rollon nagtampohay og 10 puntos sa maong kadaogan.

Miiskor sab og 19 puntos si Joshua Banaag aron pangulohan ang natagak nga JJS  Electrical ni league organizer Joeffrey Banaag. Si Randy Awit miamot og 14 puntos, si Ed Rotaquio miambit og 12 puntos, samtang si Soc Ramas mitampo’g 10 puntos sa napildeng koponan.Sa quarterfinals, harungon sa GSI ang Jot Trucking Service nga midaog sab sa ligas kaayong duwa batok sa TMV Property Management and Accounting Firm, 79-78. Si Charly Ocanada nga maoy best player pinaagi sa iyang 19 puntos, unom ka rebounds ug upat ka assists maoy topscorer sa Jot Trucking, samtang sila si RJ Bautista ug Romnick Romo nagkumboya’g 21 puntos sa team ni Jeffrey Tagacanao.

Ang TMV ni Theresa Villarino ug coach Lord Ygot gipangulohan ni Charlee Lumasag pinaagi sa iyang 24 puntos, gisundan ni Rico  Rosaroso nga adunay 22 puntos.

Midaog sab ang Donling Aircon and Refrigeration Services batok sa Domelsky Purified Drinking Water, 75-72. Si James Carl Lumoya gihapon ang best player pinaagi sa iyang 17 puntos ug lima ka assists. Mikamada sab og 17 puntos si Roldan Daog, samtang sila si Kenax Balderas ug Joemarie Aropo parehong mitimbre’g 10 puntos sa Donling ni Romeo Quilaton Jr.

Anugon lang ang 30 puntos ni AJ Geronca ug  ang 19 puntos ni Jun Dronio kay napukan ang  Domelsky. Bisan napilde, ang Domelsky ni Melchor Almonicar moduwa gihapon sa quarterfinals ning maong liga nga giorganisar nilang Joeffrey Banaag ug Marvin Sillar.

BASKETBALL

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with