Kasinatian nga dili malimtan

4 ka Sugbuanong coach miapil sa USA Basketball seminar sa New York

CEBU, Philippines — Gibati og tumang garbo ug kalipay ang upat ka mga Sugbuanong coach nga toa na karon magbase sa New York tungod sa pag-angkon nila og bulawanong higayon nga makasalmot sa "Coaching DNA" seminar nga gipasiugdahan sa USA Basketball Coaches Academy sa maiging semana  didto sa Maspeth High School sa Queens. 

Sila si kanhi PBA star Rhoel Gomez sa Mabolo ug Benjamin "Bembem" Alcaraz sa Labangon, Cebu City, Eric Manago sa Mandaue, ug Eugene Tampus sa Cordova nga kasamtangang konektado sa Basketball Sports Alliance (BSA) didto sa New York naglangkob sa mga partisipante sa maong seminar diin si NBA analyst ug kanhi head coach Stan Van Gundy usa sa mga pinasidunggang mamumulong.

Kauban ni Van Gundy isip mga halangdong dinapit sa maong kalihukan mao sila si 10-time USA Basketball Junior National Team head coach Don Showalter, kanhi St. Anthony's head coach ug Naismith Hall of Famer Bob Hurley, motivational speaker Jordan Montgomery, Ocean City High School girls coach Stephanie Gaitley, Christ The King High School coach Joe Arbitello, Ridgefield High School coach Andrew McClellan, ug Monteverde High School coach Todd Cooper.

"They're all good teachers, mostly basic basketball drills but coach Don Showalter focused more on attitude," paambit pa ni Alcaraz, nga migiya sa Cebu Institute of Technology-University (CIT-U) Baby Wildcats ngadto sa kampiyonato sa juniors division niadtong 2009 Cebu Schools Athletic Foundation, Inc. (CESAFI) season. "He shared that a coach is a teacher who must know the laws of learning and must be authentic because players trust coaches who are authentic."

"As a coach, we must have organization in practice and thoughts. I also learned two types of coaches, those that are humbled and those that will be humbled. Lastly, coaches must be adaptable, they adapt to circumstances," dugang pa ni Alcaraz, nga naka-coach sab sa Letran Knights, Las Pinas College, ug CIT-U Wildcats sud sa dul-an duha ka dekada sa wala pa manimpad sa Amerika.

"Coach Stan Van Gundy talked mostly about his experience as an NBA head coach, that you must be a disciplined coach and must respect your players and their different personalities. On the other hand, Bob Hurley's topic centered on defensive drills."

Sila si Alcaraz, Manago, nga kanhi varsity player sa Cebu Technical School (CTS) Scanners sa dihang ang CESAFI nailhan pa nga Cebu Amateur Athletic Association (CAAA) niadtong 1995, ug Tampus katambayayong karon ni Gomez, kanhi 10-time PBA champion sa Alaska Milk apil na ang talagsaong grandslam niadtong 1996, ubos sa BSA New York, usa ka organisasyon nga gitukod nilang coach Elmer Remon ug Tots Villegas usa ka dekada na ang milabay. Si Remon kanhi miduwa uban sa 7-UP ug U-Tex Wranglers sa mabulokon niyang panahon sa Manila Industrial and Commercial Athletic Association (MICAA) nga maoy kagikan sa PBA.

Tinguha sa BSA New York mao ang pagtudlo ug pagbaid sa abilidad sa mga batan-ong Fil-Am ballers nga namgambisyon maapil sa varsity teams sa ilang mga tunghaan ug ingon man andamon sila sa nagkadaiyang mga torneyo sa umaabot.   

"The (USA Basketball) seminar was a very enriching experience. And I'm very grateful to coach Rhoel for giving us this wonderful opportunity to broaden our horizon and deepen our understanding about our role as coaches," panapos pa ni Alcaraz.