KEVLO boss sakop na's "Trifecta Tribe" sa Spartan
CEBU, Philippines — Ang Sugbuanong multi-sport enthusiast nga si Mark Philip Geniston naka-angkon og laing dungog sa iyang karera.
Kini human si Geniston nahimong hingpit nga miyembro sa piniling "Trifecta Tribe" sa Spartan. Iya kining nakab-ot human siya milampos sa makutas nga Beast 21-kilometer plus 30 obstacles category sa Spartan 2022 SEA Regional Series niadtong Septiembre 24 didto sa Vermosa, Cavite.
Gawas niini, ang founder ug CEO sa KEVLO Skin Clinic mitapos sab sa ikaunom nga puwesto sa iyang age group.
"Actually, this is my second Spartan Beast race," paambit pa sa 48-anyos nga si Geniston nga usa sab ka basketball player ug triathlete. "But this by far is the toughest, most demanding physical and mental challenge I experienced."
Ang Spartan Trifecta badge makuha lamang sa usa ka atleta kon mahuman niya ang tulo ka mga dagkong lumba sa Spartan nga naglangkob og Sprint, Super ug Beast sud sa usa ka season. Dili lalim ang pagbira niini mao nang si Geniston way kasudlan sa iyang kalipay human siya milampos sa malisud niyang misyon.
"It's very fulfilling. Daghan maka-join sa Spartan pero one race ra, dili na mo-continue sa uban na race. Not everyone can get the Trifecta," dason pa ni Geniston nga nakahiagum og angol sa iyang mga abaga ug bagtak sa wala pa nakadimdim sa katam-is sa kalamposan.
- Latest
