Tayud, Jugan nimartsa sa senior A semis

CEBU, Philippines — Ang Tayud ug Jugan mipatikangkang sa tagsa-tagsa nila ka mga karibal aron pag-abante sa semifinals sa Inter-Barangay senior A caterogy sa 11th Mayor Teresa "Nene" P. Alegado Fiesta Cup basketball tournament didto sa Consolacion, Cebu.

Si Arnel Momo miratsada og 25 puntos, si Gerald Fernandez mi-iskor og 20 samtang si Franco Te midugang og 15 puntos alang sa Tayud nga milampaso sa Cabangahan, 95-71, aron pag-abot sa Final Four.

Sa bracket A gihapon, si Erwin Brigoli milansang og 18 puntos samtang sila si Japhet Naingue ug Almer Ibale  nagkumboya'g 28 puntos sa dihang gipatikyaob sa Jugan ang Casili, 86-70, aron pagtikang sab sa semis.

Sa senior B, ang Tilhaong ug Sacsac mipabuhi sab sa ilang paglaum nga makasud sa semis human ilang gipayaka ang Panoypoy, 79-50, ug Tolo-tolo, 79-74.

Si Jonard Apao maoy nangu sa Tilhaong uban ang 12 puntos inabagan nilang Kenny Tibon ug Jerome Talisic nga nagkumbinar og 16 puntos.

Sila si Reymond Boghaw ug Boyet Agbay mipupo og 17 puntos matag usa alang sa Sacsac samtang si Bonifacio Isok midonar og 14 puntos.