Silot ni Udoka gibarogan sa Celtics
CEBU, Philippines — Gibarogan sa Boston Celtics ang bug-at kaayong silot nga ilang gipahamtang batok sa head coach nilang si Ime Udoka.
Niadtong Biyernes, gisuspenso sa Celtics si Udoka sa tibuok 2022-23 NBA season tungod sa nahimo niining sayop batok sa mga palisiya sa ilang prangkisa.
Wala hinoon gibutyag sa Celtics ang tinuoray nga rason nganong ilang gilatigo si Udoka apan gitaho sa ESPN ug The Athletic nga ang 45-anyos nga si Udoka nakigrelasyon sa usa ka babayeng miyembro sa Celtics staff nga usa ka dakong kalapasan sa mga lagda sa ilang koponan. Ang silot maoy labing sakit nga gipahamtang batok sa usa ka NBA head coach apan gibarogan kini sa Celtics management.
"I personally feel that this is well warranted and appropriate, backed by substantial research and evidence and facts, and so I'm standing by the decision and Ime has accepted it," matud pa sa tag-iya sa Celtics nga si Wyc Grousbeck.
Midugang sa Grousbeck nga base sa resulta sa imbestigasyon nga ilang gikomisyon, angayan lamang sila nga mohimo og aksiyon batok sa salaod nga nahimo ni Udoka ug mao kini ang nakab-ot nilang hukom.
"The decision to suspend Udoka, rather than fire him, for "multiple violations" of team policies felt right," dason pa ni Grousbeck. "This is really a conscience and gut feel and being here 20 years and I'm responsible for the decision, ultimately. It was clear that something substantial needed to be done, in my view, and it was."
Sa pagka karon, wala pay klaro kon mobalik pa ba si Udoka isip coach sa Celics kon mahuman na ang iyang suspensiyon sa Hunyo 30, 2023.
- Latest