^

Banat Palaro

Dynacast 2001, Xchange Forex 2000 3-0 na

Emmanuel B. Villaruel - Banat

CEBU, Philippines — Wa gihapoy nakapugong sa pagpanginit sa Dynacast 2001 ug Xchange Forex 2000 sa Sacred Heart Ateneo Alumni Basketball Athletic Association (SHAABAA) Season 25 didto sa Sacred Heart School-Ateneo de Cebu (SHS-AdC) Magis Eagles Arena sa Barangay Canduman, dakbayan sa Mandaue.

Tungod sa labing uwahi nilang kadaogan, gisaw-an nila karon ang liderato sa Division A bitbit nga perpektong 3-0 records.

Si Jason Arquisola mibugha og 11 puntos, unom ka rebounds ug duha ka assists samtang si Michael Jeffrey Hing midugang og 10 puntos ug unom ka rebounds sa dihang gipukan sa Batch 2001 ang Magis Medical Fund 1997, 61-56, aron inaton ang ilang ratsada ngadto sa tulo ka duwa.

Si Roderick Mangubat mitagak og 17 puntos, upat ka rebounds ug tulo ka assists samtang si Mark Sy mirehistro og double-double nga 15 puntos ug 10 ka rebounds apan nakawang ang ilang paningkamot gumikan kay ang Batch 1997 nakatilaw sa ikaduha nilang sagunson nga pilde.

Sa laing bahin, si Dave Ting mipupo og 22 puntos, upat ka rebounds, duha ka assists ug lima ka steals sa dihang gipaksit sa Batch 2000 ang Speed Demon 1996, 79-69, aron pagpabiling way pilde sa tulo ka duwa.

Si Sergs Al Go Bui mitampo og 16 puntos, 10 ka rebounds, upat ka assists ug duha ka steals samtang sila si Pierre Mella ug Johannes Chua parehong mi-iskor og 10 puntos alang sa Batch 2001, nga milusad og nagkayong 22-9 run sa ikaduhang kuwarter aron kontrolahon ang duwa sa hingpit.

Sa laing mga duwa sa Division A, ang AutoLAB 1999 mipaluhod sa Vivant Corenergy 1994, 75-61, samtang ang GEF Daikin 1998 mipulbos sa Mandaue Eco Glass 1992, 57-38. Si Mark Tam mihipos og 16 puntos ug unom ka rebounds samtang si Robert Gilo mitunol og 10 puntos ug walo ka rebounds alang sa ikadunang sagunson nga daog sa Batch 1999.

Si Michael Stephen Lim mitali og 19 puntos, unom ka rebounds, tulo ka assists ug duha ka steals samtang si Eric Woo midonar og 12 puntos aron tabangan ang Batch 1998 nga pakgangon ang duha ka duwa nilang malas.

FOREX

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with