^

Banat Palaro

Giannis nag-wild vs Spain

Emmanuel B. Villaruel - Banat

CEBU, Philippines — Si NBA superstar Giannis Antetokounmpo mipabuto og 31 puntos aron pangulohan ang Greece ngad to sa 86-70 nga paglampaso sa Spain atol sa ilang exhibition game kagahapon didto sa Athens Olympic Stadium nga gisaksihan og 16,000 ka mga fans.

Mao kadto ang labing nindot nga performance ni Antetokounmpo sud sa 50 ka higayon nga nagsul-ot siya sa uniporme sa Greece national team.

Mangtas kaayo ang All-Star foward sa Milwaukee Bucks nga milansang og pito sa 10 niya ka free throws ug miposa og 11 sa 13 niya ka mga itsa apil na niini ang duha ka 3-pointers.   

“Giannis is a special case. He came very focused, with great appetite and great will. May he have good health. When this particular player goes low and plays defense on a 4/4 he is a living example,” matud pa ni Greece coach Dimitris Itoudis.

Gawas sa eksplosibo niyang opensa, bangis sab sa depensa si Antetokounmpo uban ang 10 ka rebounds, tulo ka assists ug usa ka steal sud lamang sa 20 minutos niyang pagsalida sa korte.

 9 ka teams magpinaksitay sa Mamba League Season 2

Siyam ka mga teams ang mipakita'g aksiyon sa Mamba League Season 2 nga misikad na ning bag-ohay pa lamang didto sa Sacred Heart Center Sports Club sa may dalan D. Jakosalem Street, dakbayan sa Sugbo.

Kini mao ang Wizenard, Mambacita, Del Sol, Chaos, Blackout, Yin Yang, Five Rings, Draft Day, ug Bruce Lee. Si league organizer Michael John Curan, nga nailhan sab nga Mike Mamba, nagkanayon nga ang torneyo magsubay og single round robin format.

Ang top 4 moabante sa crossover semifinals diin ang No.1 ug No.2 seeds dunay twice-to-beat advantage. Ang mga mananaog maoy mag-abot sa tinagakay nga kampiyonato. Sa laing bahin, si Kariza Mejares Labao sa Team Chaos maoy gikoronahang best muse.

Sa pasiunang mga duwa, si Ben Mejares mihipos og 11 puntos, 11 ka rebounds ug unom ka assists sa dihang gibugha sa Blackout ang Del Sol, 59-47, samtang si Feleejo Bongo mikadlit og 16 puntos, pito ka rebounds ug lima ka assists aron pangulohan ang Mambacita ngadto sa 74-65 nga pagpakaging sa Wizenard.

GIANNIS ANTETOKOUNMPO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with