^

Banat Palaro

Abne ug gabunilas nagsagol ang gibati

Emmanuel B. Villaruel - Banat

CEBU, Philippines — Sila si April Jay "Astroboy" Abne (9-1, 5KOs) ug John Paul "Angas ng Cebu" Gabunilas (7-1, 5KOs) parehong gibati og tumang kahinaman apan sa susamang higayon duna say gamay nga kabalaka sa ilang dughan tungod sa malisud nga hagit nga nag-atang kanila sa unahan.

Duna silay igong rason sa nagsagol nilang emosyon.

Sila si Abne ug Gabunilas makigharong batok sa kahadlokang mga kontra sa "Engkwentro 6" boxing card sa ARQ Sports Promotions nga gikatakda karong Dominggo, Agosto 7, didto sa Bonifacio Bacaltos Sports and Cultural Centrum sa lungsod sa Sibonga, habagatang bahin sa Sugbo.

Si Abne, ang Oriental and Pacific Boxing Federation (OPBF) Silver flyweight champion, makigbinukbukay

sa gahi kaayo og kumo nga si Christian Bacolod.

Gawas nga giduma ni Las Vegas-based Morris East, kanhi world champion nga usa na karon ka tinamod nga trainer, si Bacolod usa sab ka knockout artist nga mipatikangkang og 10 sa 14 niya ka mga biktima batok sa usa pa lamang ka pilde.

"Nabalaka gamay kay lig-on ang akong kalaban ug mas experienced siya kay sa nako," matud pa ni Abne, nga No.30 na karon sa World Boxing Council (WBC) rankings.

"Pero mas mipatigbabaw ang ka-excited kay masukod na sad ang akong abilidad ug kon asa gyud ko taman," dugang pa sa garbo sa Manticao, Misamis Oriental.

Susama sab ang sentimento ni Gabunilas, nga rated No.37  sa WBC.

 "Nalipay ko nga lig-on akong kontra para sab dili ko makuyawan kon maabot ang panahon nga paduwaon nami sa gawas," dason pa ni Gabunilas, nga makigsangka batok ni Ruben Dadivas (8-1, 4KOs) nga pambato ni Pinoy ring legend Manny Pacquiao sa MP Stable.

Unsa man gani ang anaa karon sa ilang huna-huna, usa ka butang ang segurado. Sila si Abne ug Gabunilas nangandam alang sa usa ka dakong gubat nga ilang gipangagpas.

"Ipasalig namo nga nindot kaayo ni ang among away ug angayan gyud ni atngan sa mga boxing fans," buhagay pa ni Abne. "Kung naa man gani matumba sa amoa, paunhanay na lang ni kay pareho man mi nag-prepare sa taas nga panahon."

Sa ubang mga bugno, ang managsoong Rodex ug Bryx Piala makigtige batok nilang Danny Tampipi ug  Ponciano Rimandiman samtang ang manghud ni Abne nga si Ian Paul makigsinukmagay ni Charlie Malupangue.

Mokumbati sab sa kulbahinam nga pasundayag sila si Berland Robles vs Ramil Antaran; Rodel Wenceslao vs Ernesto Cagampang, Bryan James Wild vs Mateo Handig;Ramel Macado Jr. vs Alvin Camigue; ug Yerroge Gura vs Jeffrey Galero.

BOXING

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user