Truck N' Trail, RW Freight milansang ikatulong daog
CEBU, Philippines — Ang Truck N' Trail Transport Services, Inc. ug RW Freight parehong mikadlit sa ikatulo nilang daog sa labing unang Lycans Basketball League (LBL) season didto sa Cebu Port Authority (CPA) gym.
Si Jestony Baclaan mitali og 19 puntos aron pangulohan ang Truck 'N Trail ngadto sa 96-91 nga pagpakaging sa DC Abay-Abay.
Sila si Jarey Ceniza ug Jeric Gonzaga mikimada og 13 puntos matag usa alang sa Truck N' Trail nga mitabla
sa ilang record ngadto sa 3-3.
Sila si Ching Cesa ug Popo Seno nagkumboya og 25 puntos apan way nahimo gumikan kay ang DC Abay-Abay nakatilaw sa ikaduha nilang pilde sud sa lima ka duwa.
Sa laing aksiyon, si Jerwin Espina Jr. mipatuasik og 20 puntos sa dihang gitumba sa RW Freight ang Aquilla, 82-69.
Si EJ Conahap midonar og 18 puntos samtang sila si Dwight Bacon ug Joseph Cabahug nagkumbinar og 24 puntos alang sa RW Freight nga nagkupot na karon og 3-2 nga baraha.
Sila si James Villafuerte (14), Nek de los Santos (12), Jojit Goc-ong (11) ug Jhamer Ranceli (10) mirehistro og double figures apan nakawang ang maanindot nilang salida gumikan kay ang Aquilla nahagsa sa 2-3.
- Latest
