Sunday night hoops
CEBU, Philippines — Parokya ni Edgar mipadala'g mensahe sa mga karibal.
Ang Parokya Ni Edgar mipadala og sayong mensahe ngadto sa ilang mga karibal kabahin sa seryoso nilang kampanya alang sa titulo human way kaluoy nilang gikastigo ang Brazzers, 105-56, pagsugod sa labing unang Sunday Night Hoops didto sa City Sports Club-Cebu gym.
Si Randy Ty mitali og 15 puntos, lima ka rebounds ug upat ka assists aron pangulohan ang Parokya ngadto sa 49 puntos nga demolisyon sa Brazzers. Ang Spit On Them, Rustans ug Space Jam mihimo sab og kasikas sa pasiunang mga duwa sa liga.
Ang Spit On Them mibuntog sa Castille, 61-57, ang Rustans milampornas sa Fast Brakes, 61-49, samtang ang Space Jam nakaipsot sa Night Squad, 58-54.
Si Jesus Porras maoy nangu sa Spit On Them bitbit ang 15 puntos, upat ka rebounds ug duha ka assists, si Jeremy Saronia ang bida sa Rustans uban ang 10 puntos, upat ka rebounds ug usa ka block samtang si Amir Batiancila sa Space jam mikuha og atensiyon human migaling og 19 puntos, tulo ka rebounds ug upat ka assists.
- Latest