^

Banat Palaro

JJ’s Electrical Supply miangkon katapusang luna sa semis

Banat

CEBU, Philippines — Naangkon sa JJ’s Electrical Supply ang katapusang luna sa semifinals human ilang gitagak ang Donling Aircon and Refrigeration Services, 76-65 nga mitapos sa elimination round sa 1st JJ’s Electrical Cup 2022 niadtong Domingo diha sa CEC gym. Ang best player nga si Prince Almirez maoy misalida’g maayo sa JJ’s Electrical  human miposte og 13 puntos, walo ka assists, unom ka rebounds ug lima ka steals. Hinuon, si Soc Ramas mao ang topscorer uban ang 19 puntos, gisundan ni Randy Awit nga adunay 14 puntos. Si Mario Panoncillo miambit og 10 puntos sa JJ’s Electrical nga nakalahutay sa kulbahinam  nga duwa.

Sikit kaayo ang duwa sa nag-unang tulo ka kuwarter ug diha na makalabaw sa hingpit ang JJ’s Electrical sa fourth quarter ubos sa pagpangulo ni Almirez, kansang ‘back-to-back’  triples nakapaluya sa kontra. 

Ang managsuong Baldo nga sila si Sean ug Onin  nagkumboya’g 37 puntos aron mangu sa napildeng Donling ni Romeo Quilaton Jr. nga hingpit na nga nanamilit sa maong liga nga giorganisar nilang  Joeffrey Banaag ug Marvin Sillar.

Sa laing aksiyon, ang  Javier Ceramics Design midaog pinaagi paglubong sa Cocoroj Construction Supply, 102-70  nga miresulta  sa “triple-tie” uban sa Livhelti Mushrooms Farm nga adunay  4-1 win-loss records. Gibuak kini pinaagi sa “quotient system”. Sila si Jessie Sanchez ug Kenn Rolf Nunez parehong misansan og 21 puntos aron mangu sa opensa sa Javier Ceramics, apan si Sanchez  ang nahimong best player human  milangkat  og walo ka rebounds ug unom ka assists.  Ang managsuong Marco ug Bruce Panta mitampo’g nagkumbinar og 26 puntos sa team ni Jade Penera.

Ang Cocoroj gipangulohan sab ni Duanne Manacap uban ang 18 puntos, gisundan ni Dan Cardenas nga adunay 13 ug VM Cempron sa iyang 12 puntos.

Ang knockout semis duwaon karong Domingo diin ang No. 1  Javier Ceramics moharong sa No. 4 JJ’s Electrical sa alas-4:30 sa hapon ug No. 2 Livhelti batok sa No. 3 Cocoroj sa alas-6 sa gabii. Ang mga modaog maoy mag-abot sa finals, samtang ang mga pildero mag-ilog na lang alang sa ikatulong puwesto.

PUNTOS MATAG USA

Unang duwa:

Javier (102) — J. Sanchez 21, Nunez 21, M. Panta 15, B. Panta 11, K. Sillar 9, Busmion 8, M. Sillar 5, Libre 6, D. Rollon 4, R. Rollon 2.

Cocoroj (70) — Manacap 18,  D. Cardenas 13, VM Cempron 12, Visayas 9, Panares 7, Jariol 6, CJ Cardenas 2.

Ikaduhang duwa:

JJ’s (76) —  Ramas 19,  Awit 14, Almirez 13,  Panoncillo 10, Arellano 8, Isip 8, Pagambunan 2, Casinillo 2.

Donling (65) —  S. Baldo 19, O. Baldo, 18, Ponce 9, Quilaton 5, Casipong 5, Alcoseba 4, Ngoju 2, Tiu 2. —MYRA

SPORTS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with