Hoops Arlon Cup All-Star mosikad karon

CEBU, Philippines — Ang Hoops Arlon Cup Season 1 All-Star event mosikad na uban ang 3-point shooting contest karong adlawa didto sa City Sports Club-Cebu Gym.

Ang mga angayan atngan sa shootout nga ipahigayon gikan sa alas-8 hangtud sa alas-11 sa gabii mao sila si Aaron Sing sa SIV, Crow Morano sa MEQ Builders, Jherjacz Jaca sa 5 Joints, Kelvin Cinco sa Broncos, ug Wesler Lim sa Clutch City.

Unya sa Sabado, Mayo 28, kumbatihan ang gikahinaman nga All-Star games.

Sa talagsaon nga format, upat ka All-Star teams ang magsangka. Kini mao ang Apo Hiking,  Perature, Hoopstars, ug T.D.G.

Ang Apo Hiking gilangkoban nilang Mark Capili, Tapoy Lao, Jun Angel Salado, Amir Batiancila, Justin Ramas, Anthony Romero Logroño, Jezreel Padilla, Ralph John Belarmino, Bong Gabison, Jan Paolo Yu, Aaron Baldwin Sing, Bernard-Aizel Mongcupa, Bal Zaspa, Ian Sulit, ug Justine Aspacio.

Mobanat sa Perature sila si Nikko Ravina, Mariano Caranoo, JR Manzanares, Raymart Saito, Nino Belande, JBO Bolofer, Marzouk Abdul Rahman, Michael Neri, Billy Pacquiao, ug Francis Buck Manzanares.

Sila si Leslee Cannen, Angelo Fìshè Prieto, James Harold Truz, Kelvin Cinco, Mitch Gallardo, Miles Tongco, Marvin Agruda, Wilkin Sanchez, Michael Pahid, Kirk Oyangoren, Gerald Baculi, Hope Gideon, ug Kenny Genobia ang mangu sa Hoopstars.

Mowadwad alang sa T.D.G sila si Vinz Shu, Duke Donaire, Komander Tirador, Javellana Dandan, Bran Borces, Jonas Mejos, Raphael Tallo, Bernard Bermudo, Jeff Michael Gudes, Jude Soon, Jovane Raagas, Cyrus Vergara, Jesse Intrapas, Clint Remedio, ug Anthony Alquizar.

Ang mga mananaog sa nag-unang duha ka duwa sa alas-10 sa buntag maoy mag-engkuwentro sa finals sa alas-2 sa hapon.