Celtics nakatabla
CEBU, Philippines — Si Jayson Tatum mipatuasik og 31 puntos sa dihang gipakaging na sab sa Boston Celtics ang Miami Heat, 102-82, aron tablahon ang ilang best-of-seven NBA Eastern Conference Finals sa baraha nga 2-2 kagahapon didto sa TD Garden sa Boston, Massachusetts.
"We just came and redeemed ourselves," matud pa ni Tatum. "We knew this was a game that we really needed, to protect home court. After the last game we were just ready to play, to get back out here and play better."
Bangis kaayo si Tatum nga mibubo og 12 puntos sa unang kuwarter hinungdan nga ang Celtics mibulhot ngadto sa sayong 29-11 nga labaw. Wala na nila paginhawaa pa sukad niadto ang Heat.
Dominante kaayo ang Celtics nga usa ka higayon mi-abante og 31 puntos, 88-57, sa nahibiling nuybe minutos sa duwa.
Gawas ni Tatum, lain pang upat ka players sa Celtics ang mihimo og kasikas. Sila si Payton Pritchard ug Derrick White nagkumboya'g 27 puntos samtang sila si Jaylen Brown ug Robert Williams miamot og 12 puntos matag usa. Nagparamdam sab si Al Horford sa natad sa depensa pinaagi sa iyang 13 ka rebound ug upat ka blocks.
Sa habig sa Heat, walay bisan usa sa ilang starters ang miposte og double figures. Ang alas nilang si Jimmy Butler na-angklahan ngadto lamang sa sayes puntos.
Si Victor Oladipo moay nangu sa pilderong Miami uban ang 23 puntos.
- Latest