^

Banat Palaro

Gabunilas, Abne nagmalampuson

Emmanuel B. Villaruel - Banat
Gabunilas, Abne nagmalampuson
Si OPBF Youth light flyweight champion John Paul "Angas ng Cebu" Gabunilas sa ARQ Stable nagselebrar uban sa iyang trainer nga si Eldo Cortes human midaog pinaagi sa unanimous decision batok ni Ricardo Sueno sa Elorde Stable.
Manny Villaruel

CEBU, Philippines — Si John Paul "Angas ng Cebu" Gabunilas nakasugakod sa labing lisud nga hagit sa iyang karera samtang ang ARQ stablemate niyang si April Jay "Astroboy" Abne mihimo og impresiyon atol sa "Engwentro Singko" sa ARQ Sports Promotions niadtong Sabado didto sa Bonifacio Bacaltos Sports and Cultural Centrum sa lungsod sa Sibonga habagatang bahin sa Sugbo.

Ang Oriental and Pacific Boxing Federation (OPBF) Youth light flyweight champion nga si Gabunilas mibuntog sa lig-on kaayong si Ricardo Sueno sa Elorde Stable pinaagi sa unanimous decision sa labing una niyang away nga milanat og 10 ka hugna.  Agresibo kaayo si Gabunilas gikan sa pagsugod diin iya dayong gipauwanan og solidong mga suntok sa ulo ug tiyan si Sueno apan ang bisitang Negrense mipakita og igong katakos ug kaisog hinungdan nga nakalahutay kini sa tibuok nga bahin sa aksiyon.

Klaro hinoon kaayo nga ang 21-anyos nga si Gabunilas maoy dominante nga boksidor hinungdan nga mipatigbabaw kini sa mata sa mga judges nga lagyo kaayo og gintang sa iskor.

Si Edward Ligas mitali og 100-89, si Rafael Osumo mi-iskor og 98-91, samtang si Neil Papas miposte og 97-92 alang ni Gabunilas nga miinat sa iyang record ngadto sa 7-1 uban ang 5KOs. "Maayo ug gahi kaayo akong kontra," matud pa ni Gabunilas nga lumad gikan sa Barangay Pardo, dakbayan sa Sugbo.

"But nindot to nga experience para nako. Lipay kaayo ko nga nakaabot ko og round," dugang pa ni Gabunilas human nakakumpleto sa una niyang 10-round bout.  Sa wala pa kini, mikadlit siya og upat ka sagunson nga daog pinaagi sa knockout.  Sa undercard sa labing unang boxing event sa Sugbo sukad sa paulbo sa kalibutanhong pandemiya kapin sa duha ka tuig na ang milabay, si Abne mikuha og atensiyon human iyang gidemolis ang beteranong si Arnold Garde sud lamang sa duha ka hugna nga gikahimuot og maayo sa bagang panon sa mga fans sud sa binyu apil na ang duha ka mayor nga sila si Lionel Bacaltos sa Sibonga ug Terence Blanco sa Ronda.

Si Abne, nga kasamtangang nagkupot sa OPBF Silver flyweight belt, mitumba ni Garde sud sa duha ka higayon sa unang hugna sa wala pa kini niyang paludha sa hingpit gamit ang makakusog nga right hook ngadto sa apapangig sa oras nga 1:53 sa ikaduhang hugna.

"Daghan na'g nakalaban nga world caliber akong kontra unya mas eksperyensiyado siya nako pero nakauna lang gyud ko'g timing sa iyaha," dason pa ni Abne, nga rated No.31 karon sa World Boxing Council (WBC).

Si Abne, nga nagkupot na karon og 9-1 nga baraha uban ang 5KOs, nadoble ang kalipay gumikan kay ang manghud niyang si Ian Paul midaog sab pinaagi sa unanimous decision batok ni Reynald Ewikan.

Ang managsoong Piala nga sila si Rodex and Bryx mipatigbabaw sab pinaahgi sa UD batok nilang Ivor Lastrilla ug Jay-ar Aliasot.

Sa uban pang mga resulta, si Rodel Wenceslao mi-TKO ni Mark Sales human sa ikaduhang hugna, si Bryan James Wild nakaipsot pinaagi sa split decision batok ni Jason Dogelio, si Ramel Macado, Jr. mipasurender ni Juvab Lucas human sa ikaupat nga hugna, si Berland Robles mipukan ni Reymark Alicaba pinaagi sa UD ingon man si Yerroge Gura batok ni Vincent Bautista.

BOXING

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with