^

Banat Palaro

Celtics miresbak sa Heat

Emmanuel B. Villaruel - Banat
Celtics miresbak sa Heat
Hapit makarehistro og triple-double si Smart uban ang 24 puntos, 12 ka assists ug siyam ka rebounds samtang si Jaylen Brown mihipos sab og 24 puntos alang sa Celtics.

CEBU, Philippines — Si Jayson Tatum mikadlit og 27 puntos sa dihang gibaslan sa Boston Celtics ang Miami Heat, 127-102, aron pagtabla sa ilang best-of-seven NBA Eastern Conference Finals sa baraha nga 1-1 kagahapon didto sa FTX Arena sa Miami, Florida. Human nahagba sa pasiunang duwa sa serye, 118-107, kalit nga nalagsik ang Celtics ug usa sa mga rason niini ang pagbalik og duwa sa duha nila ka pambato nga sila Marcus Smart ug Al Horford.

Hapit makarehistro og triple-double si Smart uban ang 24 puntos, 12 ka assists ug siyam ka rebounds samtang si Jaylen Brown mihipos sab og 24 puntos alang sa Celtics.

Dako sab og natampo si Grant Williams nga mitali og 19 puntos ug ingon man sila si Horford ug Payton Pritchard nga midugang og 10 puntos matag usa.

Ang Heat naglabaw unta og 10 puntos sa sayong bahin, 18-8, apan ang Celtics kalit lang nga nagmangtas dayong lusad og makalisang nga 17-0 run aron pagkontrola niini sa duwa uban ang 35-24 nga labaw human sa unang kuwarter.

Misamot pa ang kabangis sa Celtics hinungdan nga gipaburot niini ang ilang labaw ngadto na sa 29 puntos, 68-39.

Igo lamang nakasikit ang Heat ngadto sa 17 puntos gumikan kay mibirada sab dayon ang Celtics aron inaton og balik ang ilang bentaha ngadto sa 25 puntos sa hilimatyong segundos sa ikaduhang kuwarter.

Gitiwasan pa sa Celtics ang Heat sa pinal nga 12 minutos sa aksiyon diin sila mi-abante og makabungog nga 30 puntos sa usa ka higayon.  Si Jimmy Butler mipabuto og 29 puntos apan tulo lamang ka players sa namugnaw nga Heat ang miposte og double figures hinungdan sa ilang pagkasukarap.

NBA

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with