Morant dili na makaduwa pa

CEBU, Philippines — Ang bitoon sa Memphis Grizzlies nga si Ja Morant dili na makaduwa pa sa nahibiling bahin sa NBA playoffs.

Kini tungod sa nahiaguman niyang angol sa tuo niyang tuhod.

"Morant underwent an MRI and subsequent evaluation has revealed a bone bruise in his right knee," sigun pa sa opisyal nga pamahayag sa Grizzlies. "Morant is doubtful for the remainder of the postseason but is expected to make a full recovery."

Dili kini maayong balita alang sa Grizzlies, nga alkansi karon sa baraha nga 3-1 sa ilang best-of-seven NBA Western Conference semifinals batok sa nagkabangis nga Golden State Warriors.

Kay wala si Morant, mosamot og kalisud ang tahas nga sagubangon sa Grizzlies sa ilang pakigharong batok sa Warriors sa Game 5 karong adlawa didto sa ilang korte.

Si Morant usa sa sunod nga henerasyon sa mga superstars sa NBA. Siya maoy gibayaw nga Most Improved Player human mi-average og 27.4 puntos, 6.7 assists, 5.7 rebounds ug 1.2 steals matag duwa ning season.