^

Banat Palaro

Warriors nanoktok sa NBA West Finals

Emmanuel B. Villaruel - Banat
Warriors nanoktok sa NBA West Finals

Celtics nakatabla batok Bucks, 2-2

CEBU, Philippines — Si Stephen Curry mi-iskor og 32 puntos sa dihang ang Golden State Warriors nakaipsot batok sa Memphis Grizzlies sa Game 4, 101-98, aron pagrehistro og 3-1 nga bentaha sa ilang best-of-seven NBA Western Conference semifinals kagahapon didto sa Chase Center sa San Francisco, California.

Pait kaayo ang maong kapildihan alang sa Grizzlies tungod kay bisan og wala ang superstar nilang si Ja Morant kay na-injured, naglabaw sila gikan sa pagsugod hangtud sa pinal nga minuto sa kulbahinam nga ak iyon.

Apan si Curry mibubo og 18 puntos sa katapusang kuwarter aron pagsalbar sa Warriors nga nanginahanglan na lang og usa ka daog aron hingpit nang mo-abante sa West Finals.

Ang free throw ni Curry naghatag sa Warriors sa labing una nilang labaw, 94-93, sa nahibilin nga  45.7 segundos. Milansang pa siya og dugang unom ka free throws aron pagsilyo sa makapaisa'g balahibo nga daog sa Golden State.    

Dako sab og natampo sa kampo sa Warriors sila si Andrew Wiggins, Klay Thompson ug Jordan Poole nga nagkumboya og 45 puntos.

Didto sa Fiserv Forum sa Milwaukee, si Al Horford mipatuasik og 30 puntos sa dihang gibalian og sungay sa Boston Celtics ang Milwaukee Bucks, 116-108, aron tablahon ang ilang East semis sa baraha nga 2-2.

Naglabaw unta og 11 puntos ang Bucks sa ikatulong kuwarter apan gilampornas sa Celtics ang defending champion sa pinal nga 12 minutos sa aksiyon, 43-28, aron pag-angkon sa krusyal nga daog.

Si Horford nakakuha og igong suporta gikan ni Jayson Tatum nga mipaulbo sab og 30 puntos ug ingon man nilang Jaylen Brown ug Marcus Smart nga mihipos og 18 puntos matag usa.

Si Giannis Antetokounmpo maoy nangu sa pilderong Bucks uban ang 34 puntos, 18 ka rebounds ug lima ka assists.

NBA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with