Javier Ceramics, Cocoroj Construction 2-0 na sa 1st JJS Electrical  Cup 2022

CEBU, Philippines — Temporaryo karong gisaw-an sa Javier Ceramics Design ug Cocoroj Construction Supply ang liderato sa 1st JJS Electrical Cup 2002 human midaog batok sa ilang tagsa-tagsa nga kaatbang niadtong Domingo didto sa CEC gym, dakbayan sa Sugbo.

Ang Javier Ceramics nakaipsot batok sa JJS Electrical Supply, 71-68  ug  ang Cocoroj naka-eskapo sa Livhelti Mushroom Farm, 77-72. Ang Javier Ceramics ni Jade Penera ug Cocoroj ni Roger Cardenas parehong nagbitbit og 2-0 nga baraha ning maong liga nga giorganisar nilang Joeffrey Banaag ug Marvin Sillar.

Si Marco Booker Panta nga maoy best  player mao ang topscorer sa Javier Design uban ang 27 puntos, 10 ka rebounds ug pito assists, gisundan ni Jessie Sanchez nga dunay 10 puntos.

Ang kanhi SWU Cobras cager nga si Lorenzo Isip mao sab ang nangu sa JJS Electrical (0-2) sa iyang 19 puntos ug Soc Ramas nga adunay 10 puntos.

Sa iyang bahin, si VM Cempron nahimo na sab nga best player dihang iyang gipangulohan ang Cocoroj Construction pinaagi sa pagkabkab og 19 puntos, pito ka rebounds ug lima ka assists. Nakakuha sab siya og suporta gikan nilang Dan Cardenas ug Ceasar Jariol nga mihakot og 18 ug 10 puntos matag usa.

Upat ka players sa  1-1 nga Livhelti ni Nestle Key Flores ang mitimbre’g double digits ubos sa pagpangulo ni Francis Bauntad sa iyang 21 puntos. Ang laing tulo naglakip nilang Rico Rosaroso, Charly Lumasag ug Ernie Ygot.

Nagbitbit sab og 1-1 nga baraha ang Donling Aircon and Refrigeration Services ni Romeo Quilaton Jr. human nidaog sa Mac’s Sportswear ni Eddie Macasero, 74-64.

Gipangulohan ni Angelo Mariano Ponce ang daog uban ang 19 puntos ug walo ka rebounds aron mahimog best player. Sila si Genesis Baldo, Onin Baldo, Roldan Daug ug Joemarie Arupo pareho sab mitimbre’g double figures kadaogan sa Donling.

Nangu sa Mac’s Sportswear (0-2) mao si Raul Romo nga miposa og 20 puntos, samtang sila si Jeremiah Rivera ug Dondon Barcoso nagkumboya’g 24 puntos.

Puntos matag usa

Unang duwa

Javier Ceramics (71) — M. Panta 27, J. Sanchez 10, Panta 8, Rollon 7, Libre 6, Rublica 4, Ihalas 1

JJS Electrical (68) — L. Isip 19, S. Ramas 10, Pagambunan 6, Banaag 6, Banaag 5, Emeterio 2, Vargas 2, Cinco 2

Ikaduhang duwa

Cocoroj (77) — Cempron 19, Cardenas 18, Jariol 10, Cardenas 7, Panares 7, Tamase 6, Mata 5, Manacap 4, R. Cardenas 4,  J. Cardenas 1

Livhelti Mushroom Farm (72) — Bauntad 21, Rosaroso 20, Lumasag 13, Ygot 12, Flores 3, Capillanes 2

Ikatulong duwa

Donling (74) —  Ponce 19, G. Baldo 15, O. Baldo 14,  Daug 12, Arupo 10, Quilaton 4, Tiu 1

Mac’s Sportwear  (64) — R. Romo 20, J. Rivera 14, D. Barcoso 10, Barcoso 8, RJ Bautista 7, Antona 4, Vestra 4, Romo 2, Bautista 2 —MYRA