CEBU, Philippines — Ang labing unang Cebuano G-League Invitational Basketball Tournament nga gipaluyohan sa Philippine Bearcats mosikad na karong adlawa diha sa Cebu Coliseum.
Lima ka teams sa men's ug women's division ang mopakita'g aksiyon ning upat ka adlaw nga torneyo nga gipasiugdahan sa Cebuano G-League pinaagi ni coach Van Halen Parmis inabagan sa Cebu Women's Basketball League (CWBL) ni coach Arnel Salado.
Mokumbati sa men's category alang sa mga players nga nag-edad og 18 anyos paubos mao ang AER Concepts Cebu, Got Shot-Cebu, MisOr Basoy Petroleum sa Cagayan de Oro, RonBucs sa dakbayan sa Sugbo, ug Talisay Youth Basketball Association (TYBA).
Sa women's open, magbugno alang sa korona mao ang CWBL champion Softbatch, Artium sa Mandaue, Got Shot sa Cebu, Team Ormoc, ug Seraphim.
Moduwa sila og single round robin. Ang top 2 teams maoy mag-abot sa tinagakay nga kampiyonato karong Mayo 6.