^

Banat Palaro

Kapalaran sa PBA season masayran sunod semana

Emmanuel B. Villaruel - Banat

CEBU, Philippines — Ang PBA gikatakda nga mopahigayon og Board meeting sunod semana aron desisyonan ang kapalaran sa panapos sa season niining Governors' Cup nga temporaryong gisuspenso tungod sa pagsaka og balik sa mga kaso sa Covid-19.

Si commissioner Willie Marcial nagka-estorya na og si chairman Ricky Vargas kabahin sa krusyal nga miting sa mga miyembro sa Board of Governors aron hisgutan ang ilang mga plano kon ipadayon ba o dili ang nahunong nga aksiyon sa liga. "Magtatawag kami ng Board meeting next week para pag-usapan na kung ano ang dapat gawin kung saan patungo ang PBA," matud pa ni Marcial. "Pag nag-meeting kami next week, malamang yan na yung fate ng PBA kung saan tayo patungo. Malalaman kung ano ba, itutuloy natin or hindi natin itutuloy? Anong gagawin natin sa imports, anong gagawin natin sa players? By next week, siguro may kaunti nang liwanag," dugang pa ni Marcial.

Ang paspas nga pagburot sa mga kaso sa Covid human sa kasaulogan sa Pasko ug Bag-ong Tuig nakabaraw sa nagkainit na unta nga kumbati sa PBA nga midawat na og balik sa ilang fans sud sa Smart Araneta Coliseum.

Duna hinooy paglaum nga midan-ag sa liga pipila ka adlaw pa lamang ang milabay sa dihang ang Games and Amusement Board (GAB) pinaagi sa tsirman niining ni Baham Mitra mi-endorso ngadto sa Inter-Agency Task Force (IATF) sa pagtiwas sa mga duwa sa PBA pinaagi sa gihulagway ni Marcial nga 'Type C bubble'. Mao kini ang "home-venue-home setup" nga gigamit sa PBA sa sayong bahin sa Philippine Cup sa miaging tuig.

Sa kasamtangan, ang National Capital Region (NCR) ug silingan niining mga probinsiya anaa karon sa Alert Level 3 diin ang propesyonal nga mga liga gitugotan nga makaduwa aban ubos sa istriktong bubble. "Nag-endorse na sila (GAB) ng letter sa IATF na payagan na tayong maglaro. So nagpasalamat ako sa kanya (Mitra) dahil malaking bagay sa atin yun," dason pa ni Marcial. "From there, tignan natin ano ang gagawin. Pero may kakausapin na tayo and magko-consult na tayo sa iba."

Sa susamang higayon, wala gisalikway ni Marcial ang posibilidad nga ipahigayon ang ilang mga duwa sud sa bubble gawas sa Metro Manila sama sa ilang gibuhat sa miaging duha ka edisyon sa Philippine Cup didto sa Clark ug Bacolor.

"Malamang yan pag-uusapan yan next week. Pero ang sinasabi ko nga, kapag nag-bubble ba tayo sa labas (ng Metro Manila), sigurado ba tayong hindi tatamaan? Yun ang isang pinangangamba namin," padayag pa ni Marcial.

PBA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with