Paalam gisud ang kalibotan sa negosyo
CEBU, Philippines — Gigamit ni Tokyo Olympics silver medalist Carlo Paalam ang insentibo nga iyang nadawat sa maanindot nga paagi sa dihang nagtukod siya og usa ka grocery store didto sa dakbayan sa Cagayan de Oro.
Gipaniguro ni Paalam nga ang hinagoan niyang kwarta gikan sa Olympics dili mausik mao nang iyang giablihan ang "Paalam Store" sa yuta niyang natawhan.
Gawas niini, ang boksidor duna say duha ka andana nga commercial building diin nahimutang ang iyang tindahan.
Ang napundar nga mga negosyo ni Paalam iyang gipaambit sa iyang social media sayo ning semanaha.
Sa paglabni niya og silver medal sa Tokyo Olympics niadtong Agosto sa miaging tuig didto sa Japan, si Paalam gipaabot nga makadawat og dili mominus P17 million nga insentibo.
Wala pay labot niini ang house and lot nga iyang nadawat gikan sa POC ug sa pribadong sektor.
Sa wala pa mikulit og pangan sa boksing, si Palaam nanginabuhi pinaagi sa pagpanguha og basura nga iyang ibaligya aron dunay ikatabang sa inadlaw nga panginahanglan sa pobre kaayo nilang pamilya sa CDO.
- Latest