LeBron negatibo sa COVID-19

CEBU, Philippines — Nakaipsot si Los Angeles Lakers superstar LeBron James sa NBA Covid-19 safety protocols human sa duha ka negatibo niining tests.

"Following two negative PCR tests conducted more than 24 hours apart, Los Angeles Lakers forward LeBron James has cleared the NBA’s Health & Safety Protocols," sigun pa sa NBA sa opisyal niining pamahayag.

"James was originally placed in the Protocols on Tuesday, November 30 after a series of tests delivered conflicting results, including an initial positive test that was collected on November 29," duhang pa sa liga. "Additional testing confirmed that he is not a positive case."

Si James, nga nabakunahan na niadto pang Septiembre, wala paduwaa sa sangka sa Lakers batok sa Sacramento Kings niadtong Miyerkules apan wala pa mahibaw-i niadtong tungora kon nag-positibo ba siya sa virus.

Si James mi-average og 25.8 puntos, 6.8 assists ug 5.2 rebounds sa ika-19 niyang NBA season. Apan nakapalta siya og walo ka duwa gumikan kay nagsakit ang tiyan ug duha ka duwa kay nayayay ang tiil. Nasuspenso sab siya og usa ka duwa.

Sa mga panahon nga wala si James, ang Lakers kaupat lamang makadaog sud sa 11 ka duwa. Sunod nilang harongon ang silingan nilang LA Clippers karong adlawa didto sa Staples Center.