Bishop gasa nga import sa Bolts
CEBU, Philippines — Nawad-an man tuod ang Meralco og usa ka eksplosibong scorer nga si Shabazz Muhammad apan nakakuha sab sila og usa mangtas nga rebounder nga si Tony Bishop.
Mao kini ang nasigpatan nga kaayuhan ni coach Norman Black taliwala sa kapakyas sa 29-anyos nga si Muhammad pag-anhi sa nasud aron unta palig-onon ang puwersa sa Bolts sa umaabot nga PBA Governors Cup nga gikatakdang sugdan karong Disiembre 8.
Si Muhammad, lima ka tuig nga beterano sa NBA, mobiyahe na unta padung sa Manila sa miaging semana human madawat ang iyang from gikan sa Philippine consulate sa Los Angeles, apan sa kalit lang wala kini modayon sa iyang plano tungod sa personal nga kakulian.
Mao kini ang hinungdan nganong ang 32-anyos nga si Bishop nabitad gyud sa Bolts gigun sa orihinal nilang gihandum.
“He’s one of the guys we’re looking up before we signed Shabazz Muhammad,” dason pa ni Black.
“Luckily for us, Tony had just finished his stint in Puerto Rico about a week ago, and he was willing to come over and play for us.”
- Latest