Piscon napiling presidente sa ABAP
CEBU, Philippines — Gikan sa executive director ug secretary-general ngadto sa presidente.
Mao kini ang pagsaka sa katungdanan sa tinamod nga si Ed Picson sa Association of Boxing Alliances in the Philippines (ABAP).
Atol sa regular nilang eleksiyon nga virtual gipahigayon niadtong Huybes, unanimous kon way kontra ang pagkapili ni Picson isip labing bag-ong pangu sa ABAP.
Si Picson nominado mismo sa mobiya nga presidenteng si Ricky Vargas, nga mo-asumir sa puwesto isip chairman.
“I am honored to turn the baton over to Ed as my successor. He is the most qualified and deserving for the position. Ed is a principled and honest man who believes in good governance, cares very much for our boxers and is hands on. I am confident he will bring ABAP to the next level,” matud pa ni Vargas, ang utok sa malampusong kampanya sa Team Phl sa 2020 Tokyo Olympics niadtong Agosto didto sa Japan diin ang nasud nakahakop og tulo ma medalya.Sa iyang bahin, si Picson gibati og tumang garbo ug kalipay nga napiyalan siya sa maong mahinundanong posisyon.
“ I am humbled by the trust and confidence reposed in me. The results in the last Olympics, where Nesthy Petecio and Carlo Paalam won silvers and Eumir Marcial got bronze, will be a tough act to follow. But our boxers, coaches and support staff assure me they are all up to the task. We vow not to let the country down,” pasalig pa ni Picson.
- Latest
