_banat
^

Banat Palaro

Bangga sa mga kampiyon Ancajas, Ioka mag-abot opisyal na

Emmanuel B. Villaruel - Banat
Bangga sa mga kampiyon Ancajas, Ioka mag-abot opisyal na
Jerwin Ancajas ug Kazuto Ioka.

CEBU, Philippines — Ang Pinoy’ng IBF super flyweight champion nga si Jerwin “Pretty Boy” Ancajas makigharong batok ni WBO champion Kazuto Ioka sa Japan sa seguradong usa ka eksplosibong unification bout nga gikatakda karong Disiembre 31 didto sa Tokyo, Japan.

Pormal kining gipahibawo ni MP Promotions President Sean Gibbons, ang nagduma sa karera ni Ancajas, pinaagi sa social media kagahapon.

“It’s Official!! Viva IBF 115 Champion having his dream fight !! IBF-WBO Unification Dec 31 Tokyo Japan !! Let’s Go !! Viva,” suwat pa ni Gibbons sa iyang Facebook page uban ang promotional banner sa away.

Si Ancajas, nga nagtangag og 33-1-2 record uban ang 22KOs, makadaghan nang nakapanalipod sa trono nga iyang na-angkon human gipukan si McJoe Arroyo sa  Puerto Rico pinaagi sa unanimous decision niadtong Septiembre 2016.

Sa miagi niyang depensa, ang garbo sa Panabo City, Davao del Norte mibuntog sa Meksikanong si Jonathan Javier Rodriguez niadto lamang Abril 10.

Sa iyang bahin, si Ioka nagkupot og 27-2 nga marka uban ang 15KOs. Gihuboan siya sa iyang bakus sa WBO ni Donnie “Ahas” Nietes bisperas sa Bag- ong Tuig niadtong 2018 apan nabira ra niya og balik ang iyang korona human gipatikangkang si Ashton Palicte sa ika-10 nga hugna niadtong Hnyo 19, 2019.

Katapusang nadepensaan ni Ioka ang iyang titulo human gipilde ang Meksikanong si Francisco Rodriguez, Jr. dul-an sa tulo ka bulan pa ang milabay.

JERWIN ANCAJAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with