Kapalaran sa Gilas masayran sunod bulan

CEBU, Philippines — Masayran sa Gilas Pilipinas ang ilang kapalaran sa umaabot nga 2022 FIBA Asia Cup sunod bulan.

Apil sa 16 ka mga koponan nga mi-qualify sa rehiyonal nga torneyo, makita sa Philippine team kon asa sila mapunta nga grupo sa ipahigayong draw karong Disiembre 8.

Ang bag-ong iskedyul sa Asia Cup kompirmado na sab nga mahitabo sa Hulyo 12-24 sunod tuig..

Lagmit maka-grupo sa Gilas ang South Korea, host Indonesia, Chinese Taipei, Japan, ug Iran.

Lain pang mokumbati mao ang defending championsAustralia, Bahrain, China, India, Jordan, Kazakhstan, Lebanon, New Zealand, Saudi Arabia ug Syria.

Ang Pilipinas katapusang nakampiyon sa FIBA Asia Cup niadto pang 1985 didto sa Kuala Lumpur.