Pacquiao masaligon sa tsansa vs Spence
CEBU, Philippines — Taas kaayo ang kompiyansa ni Pinoy ring legend Sen. Manny Pacquiao (62-7-2, 39KOs nga iyang mabihag si WBC/IBF welterweight champion Errol Spence (27-0, 21KOs) sa giatngan nilang engkuwentro karong Agosto 22 (oras dinhi sa Pilipinas) didto sa T-Mobile Arena sa Las Vegas, Nevada.
Bisan tuod og wala maka-away sud sa duha ka tuig, ang 42-anyos nga si Pacquiao nagkanayon nga anaa siya karon sa ensaktong kondisyon ug mas nibata pa gani siya sa iyang paminaw.
Dungan niiini, si Pacquiao mibutyag nga duna siyay daghang hinagiban nga makabatang kaniya pagbuntog sa way pildeng si Spence. Apil na niini ang iyang kaabtik, makusog nga kumo, ug labaw sa tanan ang halapad niyang kasinatian.
"I have lots of advantages in this fight. My speed and power, along with my strategy and experience, are all advantages for me," matud pa ni Pacquiao sigun sa taho sa Agence France Presse.
Midugang ang bugtong eight-division world champion sa kasaysayan nga duna pa siyay ikabuga ning puntoha sa iyang karera apan ang ugma niya sa boksing mag-agad sa kon unsay resulta sa engkuwentro nilang Spence. Kon ugaling mapakyas, si Pacquiao nagparamdam nga lagmit mao na kini ang katapusan niyang away.
"This could be my last fight or there could be more. Like I've always said, it's one at a time. After the fight, I'll talk about the plan and see if there's another fight coming," dason pa ni Pacquiao.
- Latest