Gilas napakyas sa misyon

CEBU, Philippines — Wala makab-ot sa Gilas Pilipinas ang ilang misyon nga makasud sa kampiyonato human sila giusban og pilde sa Jordan A, 74-84, sa semifinals sa Prince Hamza Hall sayon kagahapon sa buntag didto sa  Amman, Jordan.

Ang Gilas gipahagba sab sa Jordan sa una nilang engkuwentro, 72-84.

Gumikan sa ilang kaparotan, ang Gilas mangindahay na lang sa ikatulong dapit batok sa Tunisia, nga ilang gibuntog sud sa ovewretime, 74-73, sa elimnasyon.

Samtang ang host Jordan makigharong sa Egypt alang sa titulo.

Wala na makabangon pa ang Gilas sukad gilubong og 15 puntos sa Jordan, 11-26, sa naghinapos nga bahin sa unang kuwarter.

Igo lamang nakasikit ang Gilas ngadto sa kuwatro puntos, 68-72, gumikan kay ang Jordan milusad og 7-2 run aron pagsilyo sa ilang daog uban ang 79-70 nga labaw sa pinal nga dos minutos sa aksiyon.

Si Ange Kouame maoy bugtong sakop sa Gilas nga mikadlit og double-figures uban ang 20 puntos ug unom ka rebounds sa pilderong kawsa.