Obiena mitikang sa pole vault finals
CEBU, Philippines — Gipahayagan ni EJ Obiena ang iyang tsansa nga maka-medalya sa Pilipinas sa men's pole vault event sa 2020 Tokyo Olympics human siya na-apil sa top 12 atol sa qualifying event kagahapon didto sa Olympic Stadium sa Japan.
Nakuha ni Obiena ang gitas-on nga 5.75m sama sa lain pa niyang 10 ka mga karibal aron pag-abante sa finals. Apan kay nanginahanglan man siya og tulo ka mga pagsuway sa wala pa makuha ang maong marka, si Obiena ika-10 sa 12 ka mga finalists.
Nanghawod sa qualifiers mao sila si Bo Kanda Lita Baehre sa Germany ug Christopher Nilsen sa USA, samtang ang world record-holder nga si Armand Duplantis maoy ikatulo. Lain pang maghatag og labad sa ulo ni Obiena sa finals karong Martes, Agosto 3, mao ang defending Olympic champion nga si Thiago Braz sa Brazil ug Pitor Lisek sa Poland.
- Latest
