Dagami Warriors gisaytan South title

CEBU, Philippines — Ang Cordova Dutchess Dagami Warriors makigharong sa Iloilo Kisela Knights sud sa duha ka  krusyal nga duwa alang sa Southen Division title sa Professional Chess Association of the Philippines (PCAP) GM Wesley So Cup online tournament karong gabii.

Gibitoonan nilang Israeli Grandmaster Nitzan Steinberg, National Masters Merben Roque ug Mario Mangubat, ug Woman International Master Bernadette Galas, ang Dagami Warriors ni PCAP vice chairman Ariel Potot mi-abante sa division finals human gitagak ang Negros Kingsmen. Nagkumpleto sa lineup sa Cordova mao sila si Michael Joseph Pagaran, Allan Pason, Francis Rivera, Dione Patrick Minoza, ug Brylle Arellano.

Ilang banggaon ang lig-on kaayong puwersa sa Iloilo nga gipangulohan nilang GMs Hovhannes Gabuzyan sa Armenia ug Joey Antonio. Naglangkob sab sa dekalibreng linyada sa mga Ilongo mao sila so  National Masters Fritz Bryan Porras, John Michael Silvederio, Cesar Mariano, ug Giovanni Mejia ug Candidate FIDE Master Cherry Ann Mejia. Ang modaog sa sangka tali sa Cordova ug Iloilo makigsangka sunod sa mopatigbabaw sa North finals tali sa Laguna Heroes ug San Juan Preadators sa national championship nga gikatakda karong Agosto 4.