Sangalang mipainit sa Hotshots

CEBU, Philippines — Ang big man sa Magnolia Hotshots nga si Ian Sangalang maoy gibayaw nga ikaduhang "Player of the Week" ning nagpadayon nga aksiyon sa PBA Philippine Cup didto sa Ynares Sports Arena sa Pasig City.

Si Sangalang usa sa mga responsable nganong ang Hotshots nakigsawo karon sa liderato uban sa Rain or Shine Elasto Painters bitbit ang tagutlo ka daog ug wa pay pilde.

Sa mainit nilang ratsada, ang 6'7" nga so Sangalang mi-average og 21.5 puntos, 4.0 rebounds, ug 1.0 steals matag duwa.

Mipuntos siya og 26-point sa dihang gipayaka Magnolia ang Alaska Aces, 84-82, dili pa lamang dugay. Mitali siya og 17 puntos, tulo ka rebounds ug usa ka steal sa dihang gipaluhod nila ang defending champion Barangay Ginebra Kings, 89-79.

Gipukan ni Sangalang alang sa maong senemanang pasidungog ang iyang teammate nga si Paul Lee ug ingon man sila si CJ Perez, Alex Cabagnot, Arwind Santos, ug Mo Tautuaa sa San Miguel.