CEBU, Philippines — Dako ang posibilidad nga si Cade Cunningham maoy molugwa nga top pick sa giatngan nga NBA Draft karong Biyernes apan ang Detroit Pistons nga maoy unang mopili sa draft nagpabiling tak-om ang baba kabahin sa ilang plano alang sa seleksiyon.
Usa ka eksplosibong point guard, ang 19-anyos nga si Cunningham mi-average og 20.1 puntos, 6.2 rebounds, 3.5 assists ug 1.6 steals matag duwa uban sa Oklahoma State sa miaging NCAA season.
Siya sab maoy nangu sa Team USA nga nakampiyon sa Under-19 Basketball World Cup niadtong 2019.
Ang abilidad ni Cunningham gitandi nga sama ni Slovenian star Luka Doncic sa Dallas Mavericks. Apil sa mga gi-idolo ni Cunningham mao sila si Jason Kidd, Penny Hardaway ug Magic Johnson.