SEA Games, World Championships sunod tirada ni Diaz

CEBU, Philippines — Human gilangkat ang labing unang gold medal sa Pilipinas sa Olympics, duna pay umaabot nga tahas nga sagubangon ang Pinay weigthlifter nga si Hidilyn Diaz.

Matud pa ni Diaz nga adto niyang ipunting ang iyang atensiyon sunod sa umaabot nga 31st Southeast Asian (SEA) Games sa Hulyo  2022 ug ingon man sa World Championships didto sa Peru sa naghinapos nga bahin ning tuiga.

"For me, I will focus for SEA Games then may world championship pa kami," matud pa ni Diaz sa dihang gipangutana sa CNN Philippines kabahin sa iyang mga plano.

"Hindi ako mag-stop kasi kaya ko pa, nakita ko yung galing ko, and alam ko may ibibgay pa ako sa Pilipinas," dugang pa niya.

Sama sa usa ka bino, nagkalami ang performance ni Diaz samtang nagkadugay siya sa weightlifting.

Wala siya makamedalya sa nag-una niyang duha ka salida sa Olympics niadtong 2008 didto sa Beijing ug 2012 sa London.

Apan niadtong 2016 sa Rio de Janiero, Brazil, si Diaz misidlak human midaog og og silver medal aron pakgangon ang 20 ka tuig nga medalya sa nasud sa Olympics.

Duha ka adlaw pa lamang ang milabay, gipakita ni Diaz nga mas nihait pa ang iyang abilidad human gidominar ang women's 55kg division sa Tokyo Olympics diin siya mikulit og duha ka records dayon na ngadto sa pagtunol sa Pilipinas sa una niining gold sukad kini unang misalmot niadtong 1924 Paris Olympics.