_banat
^

Banat Palaro

Didal sud sa finals apan wa makabira og medalya

Emmanuel B. Villaruel - Banat
Didal sud sa finals apan wa makabira og medalya
Margielyn Didal.

CEBU, Philippines — Napakyas ang garbo sa Sugbu nga si Margielyn Didal sa iyang tinguha nga makapugnit og medalya alang sa Pilipinas sa 2020 Tokyo Olympics.

Si Didal, ang giyukboan nga "golden girl" sa Asian Games ug Southeast Asian (SEA) Games, nakasud unta sa final round sa women's street skateboarding human mitapos sa ikapitong dapit sa preliminaries uban ang iskor nga 12.02.

Apan sa finals, ang lumad nga taga Barangay Lahug, dakbayan sa Sugbu mitapos lamang sa ikapitong puwesto bitbit ang iskor nga 7.52.

Ang 13-anyos nga pambato sa Japan nga si Momiji Nishiya mitali og 15.26 puntos aron langkaton ang gold medal sa women street skateboarding, nga giduwa sa Olympics sa labing unang higayon.

Ang kababayan ni Nishiya maoy miangkon sa bronze uban ang 14.49 puntos samtang si Rayssa Leal sa Brazil maoy mikubit sa silver sa iskor nga 14.64.

Bisan og wala maka-medal, mapasigarbuhon gihapon si Didal ilabi na kay ang inilog nga World No.1 nga si Pamela Rosa sa Brazil wala maka-abante sa medal round ug si World No.3 Aori Nishimura sa Japan maoy nangiwit sa finals.

MARGIELYN DIDAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with