Dagami Warriors abante sa PCAP South finals
CEBU, Philippines — Ang Cordova Dutchess Dagami Warriors mipakaging sa Negros Kingsmen sa duha ka duwa nilang semifinals aron pagtaak sa Southern Division championship sa Professional Chess Association of the Philippines (PCAP) GM Wesley So Cup niadtong Sabado sa gabii.
Gibitoonan nilang Israeli Grandmaster Nitzan Steinberg, National Masters Merben Roque ug Mario Mangubat, ug Woman International Master Bernadette Galas, ang Dagami Warriors ni PCAP vice chairman Ariel Potot unang mibuntog sa Kingsmen sa iskor nga13.5-7.5, ug dayon gipatikangkang sa hingpit ang karibal nilang mga Negrense pinaagi sa sikit nga desisyon, 12-9.
Tungod niini, ang Cordova milahos ngadto sa South finals batok sa Iloilo Kisela Knights, nga mipalagpot sa Camarines Soaring Eagles. Sa Northern Division, ang All-Filipino Conference champion Laguna Heroes ug San Juan Predators maoy magtige alang sa titulo.
- Latest
