Pinoy coach sa Olympics nagpositibo sa COVID-19
CEBU, Philippines — Usa ka coach sa Team Philippines nga atoa karon sa Japan alang sa Tokyo Olympucs gikatakda nga papaulion balik sa nasud human nagpositibo sa Covid-19.
Mao kini ang dili maayong balita nga gipahibawo ni Philippine Olympic Committee (POC) President Rep. Abraham “Bambol” Tolentino atol sa usa ka press conference didto sa CONRAD Tokyo kagahapon.
Sigun sa inadlaw nga tests didto sa Athletes Village ngadto sa mga coaches ug players, ang hintungdan nga coach nakuhaan og false positive test sa unang higayon.
Mao kini ang hinungdan nganong gi-isolate ang coach ug gipaubos sa confirmarty test diin siya nag-negatibo ning higayona. Apan sa ikatulong test sunod adlaw, nag-positibo na sab ang maong coach nga karon duna nay hilanat.
“While waiting for another confirmatory test, I have ordered our chef de mission Mariano Araneta to separate him from our team. If the next result is negative, we are sending him home. If he tests positive again, he will be brought to a quarantine hospital,” matud pa ni Tolentino. Suspetsa ni Tolentino nga tingali'g nakuha sa maong coach ang gikahadlokang virus sud sa eroplano o sa airport mismo kay nag-negatibo man kini sa duha ka makuting RT-PCR tests didto sa Narita airport. Gipaneguro hinoon ni Toletino nga dili maka-apekto sa Phl team ang nahitabo sa maong coach.
“Maybe, to the national sports association involved, apektado sila kasi nawalan sila ng coach, but to the rest of the Team Philippines, I don’t see their morale going down because of this. Everyone is in high spirits and raring to go to battle for the country,” pasalig pa ni Tolentino.
- Latest
