Mas bug-at nga misyon sa Gilas
CEBU, Philippines — Human sa malampuson nilang salida sa FIBA Asia Cup qualifiers ning bag-ohay pa lamang, mas bug-at nga misyon ang sagubangon sunod sa Gilas Pilipinas.
Kini mao ang Olympic Qualifying Tournament didto sa Serbia sunod bulan.
Ang Gilas gikatakda nga molupad sa Serbia karong Hunyo 24 o usa ka semana sa dili pa nila ablihan ang ilang kampanya sa malisud nga torneyo.
Unang sangkaon sa Gilas ni coach Tab Baldwin ang host Serbia karong Hulyo 1 ug dayon ang Dominican Republic sa Hulyo 2.
Si Rey Suerte, nga kasamtangang nagpa-alim sa iyang angol, nanghinaut nga maapil sa Gilas Final 12 nga mokumbati didto sa Serbia.
Lain pang lig-ong mga kandidato nga masakop sa Phl national team mao sila si Kai Sotto, Dwight Ramos, Isaac Go, Mike Nieto, Jordan Heading, William Navarro, SJ Belangel, ug Jaydee Tungcab.
- Latest