Dasmariñas, Inoue magsukmagay na
CEBU, Philippines — Ang Pinoy'ng boksidor nga si Michael "Hot 'N Spicy" Dasmariñas (30-2-1, 20KOs) mosagubang na sa labing dako nga hagit sa iyang karera sa dihang iyang sangkaon ang way pildeng Japanese "Monster" nga si Naoya Inoue (20-0, 17KOs) alang sa IBF ug WBA bantamweight titles karong buntag didto sa The Theater sa Virgin Hotels Las Vegas.
Dehado kaayo sa tapad si Dasmariñas apan ang garbo sa Pili, Camarines Sur nga wala na makatilaw og pilde sukad niadtong 2014 masaligon kaayo sa iyang tsansa nga tay-ogon si Inoue. "I did everything I am supposed to do in training, and I am prepared, and I will do whatever it takes to give a good fight to Naoya Inoue," deklara pa sa 28-anyos nga si Dasmariñas.
Angayan hinoon mangandam si Dasmariñas alang sa usa ka dakong gubat gumikan kay determinado man si Inoue nga tumbahon kinsa man gani kadtong mobabag sa iyang dalan padung ngadto sa iyang damgo nga mamahimong undisputed champion.
"Basically, (becoming undisputed champion) means I'm the best in that weight class, the bantamweight division. To prove that, that's why I'm going after all four belts," dason pa ni Inoue.
- Latest
