Ball, Edwards nangu sa NBA All-Rookie team
CEBU, Philippines — Sila si LaMelo Ball sa Charlotte Hornets ug Anthony Edwards sa Minnesota Timberwolves maoy nangu sa NBA All-Rookie First Team nga gi-anunsiyo sa liga kagahapon.
Si Ball, nga mi-average og 15.7 puntos ug 6.1 assists sud sa 51 ka duwa ning season, mao say gibayaw nga NBA Rookie of the Year sa miaging adlaw. Samtang si Edwards, ang No.1 overall pick sa miaging NBA Draft, mipatak og 19.3 puntos, 4.7 ka rebounds ug 2.9 assists matag duwa sa Timberwolves.
Giduyogan sila sa All-Rookie First Team nilang Tyrese Haliburton sa Sacramento Kings, Saddiq Bey sa Detroit Pistons, ug Jae'Sean Tate sa Houston Rockets.
Naglangkob sa Second Team mao sila si Immanuel Quickley sa New York Knicks, Desmond Bane sa Memphis Grizzlies, Isaiah Stewart sa Pistons, Isaac Okoro sa Cleveland Cavaliers, ug Patrick Williams sa Chicago Bulls.
- Latest
