LaMelo Ball misakmit ROY award
CEBU, Philippines — Si Charlotte Hornets guard LaMelo Ball maoy gipasidunggan nga Rookie of the Year ning 2020-2021 NBA season. Iyang gipukan alang sa maong pasidungog mao sila si Anthony Edwards sa Minnesota Timberwolves ug Tyrese Haliburton sa Sacramento Kings.
Ang 19-anyos nga si Ball maoy No.3 overall pick sa Hornets niadtong 2020 NBA Draft. Mi-average siya og 15.7 puntos, 5.9 rebounds ug 1.59 steals matag duwa ning season. Apil sa impresibo niyang salida mao ang pagrehistro og triple double atol sa ilang duwa batok sa Atlanta Hawks niadtong Enero.
Tungod niini, mihimo siya og record isip labing bata nga NBA players nga mikadlit og triple double. Miapulbo sab siya og 34 puntos batok sa Utah Jazz niadtong Pebrero.
- Latest