_banat
^

Ando masaligon maka-medalya sa Tokyo

Emmanuel B. Villaruel (Banat) - June 17, 2021 - 12:00am

CEBU, Philippines — Ang kampo ni Elreen Anne Ando masaligon nga ang Sugbuanong weightlifter makadaog og medalya sa Tokyo Olympics nga kumbatihan sunod bulan na. 

Mao kini ang gipabuhagay ni Ando ug sa coach niining si Ramon Solis atol sa usa ka virtual press conference nga gipasiugdahan ni Philippine Sports Commissioner Ramon Fernandez kagahapon sa Hotel Fortuna.

Mitambong sab sila si Samahang Weightlifting ng Pilipinas (SWP) chairman Mark Alino, ang ubang mga coaches ni Ando nga sila si Gary Hortelano, Christopher Bureros, ug si Jessica Jawad-Honoridez, ang athletic director sa University of Cebu (UC) nga maoy nagsuporta sa karera ni Ando gikan sa sinugdanan.

"Laban lang! Gagawin natin lahat para manalo," matud pa ni Solis. "May tsansa talaga tayo. Nagawa ni Hidilyn, kaya posible din."

Ang gipasabot ni Solis mao ang kababayan ni Ando nga si Hidilyn Diaz nga wala kaayo mailihi apan mipakurat sa tibuok nasudnong Pilipinhon human nakasakmit og silver medal niadtong 2016 Rio Olympics didto sa Brazil.

Si Ando nagkanayon nga malisud man tuod nga tahas ang iyang sagubangon apan andam siyang mosunod sa tunob ni Diaz sa tinguha nga makahatag og dungog ug garbo sa nasud .

Si Ando maoy ikatulong Cebuana nga mi-qualify sa Tokyo Games. Ang laing duha mao sila si Margielyn Didal (skateboard) ug Kiyomi Watanabe (judo). Sa kinatibuk-an, 11 na ka mga Pinoy ang mopakita'g aksiyon sa umaabot nga Olympics sunod nilang Hidilyn Diaz, boxers Carlo Paalam, Eumir Marcial, Irish Magno, ug Nesthy Petecio, gymnast Carlos Yulo, pole vaulter EJ Obiena, taekwondo jin Kurt Barbosa, ug rower Cris Nievarez.

TOKYO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with