_banat
^

Bucks nakatabla

Emmanuel B. Villaruel (Banat) - June 15, 2021 - 12:00am

CEBU, Philippines — Si Giannis Antetokounmpo mipabuto og 34 puntos sa dihang gipakaging na sab sa Milwaukee Bucks ang Brooklyn Nets, 107-96, aron pagtabla sa ilang best-of-seven NBA Eastern Conference semifinal series sa baraha nga 2-2 kagahapon didto sa Fiserv Forum sa Milwaukee, Wisconsin.

Gawas nga napilde, nagkonsumisyon pa ang Nets gumikan kay na-angol ang tiil sa usa niini na superstar nga si Kyrie Irving.

Usa kini ka dakong piang sa Nets nga miduwa nang daan nga wala ang usa nila ka alas nga si James Harden kay nayayay ang paa.

Si Irving na-injured sa tunga-tungang bahin sa ikaduhang kuwarter. Niadtong tungora, alkansi sila og kuwatro puntos, 40-44.

Kay wala si Irving, si Kevin Durant mikayud og maayo uban ang 28 puntos ug 13 ka rebounds apan sa pilderong kawsa.

Sa habig sa Bucks, si  Antetokounmpo nakakuha og igong suporta nilang Khris Middleton, Jrue Holiday, P.J. Tucker, ug Bryn Forbes nga nagkumboya og 56 puntos.

GIANNIS ANTETOKOUNMPO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with